Murray í úrslit eftir sigur á Djokovic

Skotinn Andy Murray tryggði sér í kvöld sæti í úrslitaleik einliðaleiks karla í tennis á Ólympíuleikunum eftir sigur á Novak Djokovic í undanúrslitum.

Murray hafði sigur í tveimur settum 7-5 og 7-5 en leikurinn var afar jafn eins og tölurnar gefa til kynna. Murray mætir Svisslendingnum Roger Federer í úrslitaleiknum á sunnudag.

Kapparnir mættust í úrslitum á Wimbledon-mótinu í júlí og því um endurtekið efni að ræða en tenniskeppni Ólympíuleikanna fer fram á Wimbledon. Á wimbledon hafði Federer betur í frábærum úrslitaleik.