Tveir nýir Kanar á leiðinni til KR

KR-ingar hafa nælt sér í góðan liðsstyrk fyrir átökin í Iceland Express-deild karla eftir áramót.

Tveir nýir Kanar eru á leiðinni. Annar heitir Josh Brown og er bakvörður. Hann kemur frá Dinamo Búkarest í Rúmeníu þar sem hann var með 21 stig, 5 fráköst og 5 stoðsendingar að meðaltali i leik.

KR hefur líka nælt sér í stóran leikmann sem heitir Rob Ferguson. Hann kemur frá Defensor í Úrúgvæ en hann hefur einnig leikið í Þýskalandi.

Ferguson lék með St. Joseph's háskóla þar sem hann var í liði með Jameer Nelson og Delonte West.