ÍR semur við sænsk-bandarískan bakvörð

Bryant er 23 ára gamall og 198 sentímetra bakvörður sem kemur til ÍR frá Westmont College í NCAA Division II. Hann átti afar gott síðasta tímabil með skólanum og var stigahæsti leikmaður liðsins.

Bakvörðurinn skoraði 15,6 stig að meðaltali í leik, tók 4,8 fráköst og gaf 1,5 stoðsendingu. Hann var jafnframt afar skilvirkur í sókninni og hitti úr 51,6 prósentum skota sinna utan af velli og 42 prósentum þriggja stiga skota.

Frammistaða hans skilaði honum sæti í úrvalsliði PacWest-deildarinnar.

Bryant hefur einnig reynslu af landsliðsverkefnum en hann hefur leikið með U20 ára landsliði Svíþjóðar.