Bernd Schuster spáir því að fyrsta árið hans Mourinho verði erfitt

Bernd Schuster, fyrrum leikmaður og þjálfari Real Madrid, spáir því að fyrsta árið hans Jose Mourinho hjá Real Madrid muni reynast honum mjög erfitt. Þjóðverjinn segir að Mourinho megi ekki látast blekkjast af viðbrögðunum á fyrstu dögum hans í starfi því þeir séu bara eins og brúðskaupsferðin.

„Það eru allir rólegir á fyrstu dögunum en við skulum sjá til hvernig þetta verður eftir tvo til þrjá mánuði. Þessa dagana spyrja allir spurninganna með bros á vör en þegar tímabilið fer af stað þá breytist það," sagði Bernd Schuster við spænska blaðið AS en hann telur að pressuna á að spila flottan fótbolta gæti reynst Mourinho erfiðust.

„Hann hefur aldrei spilað fótbolta og það sést. Hann segir sömu hluti og aðrir þjálfarar en það hljómar miklu betur hjá honum. Sumir væri til í að gera allt til þess að hafa það. Sannleikurinn er hinsvegar sá að þetta verður í fyrsta sinn sem við sjáum hversu góður hann er," sagði Schuster.