Brynjar áfram í stuði og KR með fjögurra stiga forskot á toppnum

Brynjar Þór Björnsson var áfram í stuði þegar KR-ingar unnu 24 stiga sigur á Blikum í Iceland Express deild karla í körfubolta í kvöld. KR-ingar náðu fjögurra stiga forskoti á toppi deildarinnar með þessum sigri þar sem Keflavík tapaði í Grindavík.

Morgan Lewis var með 24 stig í sínum fyrsta heimaleik með KR og Pavel Ermolinkij var aðeins einu frákasti og einni stoðsendingu frá því að vera með þrefalda tvennu þriðja leikinn í röð.

KR-Breiðablik 96-72 (52-36)

Stig KR: Brynjar Björnsson 25, Morgan Lewis 24, Pavel Ermolinkij 14 (9 frák., 9 stoðs.), Fannar Ólafsson 14, Jón Orri Kristjánsson 11, Darri Hilmarsson 4, Skarphéðinn Ingason 2, Steinar Kaldal 2.

Stig Breiðabliks: Jonathan Schmidt 23, Ágúst Angantýnsson 14, Þorsteinn Gunnlaugsson 13, Aðalsteinn Pálsson 5, Rúnar Pálmarsson 4, Jeremy Caldwell  4, Gylfi Geirsson 2, Hjalti Friðriksson 2, Trausti Jóhannsson 1.