Ferguson hafði lítinn tíma fyrir Beckham

David Beckham gerði sér ferð á Emirates völlinn í London í gær til að horfa á fyrrum félaga sína í Manchester United spila við Arsenal í meistaradeildinni.

Eftir leikinn fór Beckham og hitti fyrrum félaga sína í liðinu og hitti meðal annars landsliðsþjálfarann Fabio Capello og Sir Alex Ferguson, stjóra United.

Svo virðist sem Ferguson hafi haft lítinn tíma fyrir fyrrum leikmann sinn, því eftir að hafa spjallað við landsliðsþjálfara Englendinga í smá stund, klappaði hann Beckham létt á öxlina og stormaði svo út.

Þeir Ferguson og Beckham skildu ekki í góðu þegar Beckham fór til Real Madrid á sínum tíma og sumir halda því fram að Ferguson sé enn argur út í leikmanninn.

Hér má sjá myndasyrpu frá gærkvöldinu þar sem Beckham bíður átekta eftir að Ferguson klári spjall sitt við Fabio Capello.