Totti er til í slaginn

Francesco Totti, fyrirliði Roma, hefur staðist skoðanir og er ljóst að hann er klár í slaginn fyrir leikinn gegn Arsenal í kvöld. Totti varð fyrir meiðslum á æfingu í gærkvöldi en þau meiðsli eru ekki alvarleg

Totti er algjör lykilmaður í liði Roma og verður í byrjunarliðinu í kvöld. Brasilíski varnarmaðurinn Cicinho hefur einnig verið að kljást við meiðsli og er reiknað með að hann byrji á bekknum í kvöld.

Einnig er reiknað með að Alberto Aquilani verði á bekknum og þá er ekki orðið ljóst hvort Mirko Vucinic sé leikfær en ákvörðun um hann verður tekin á síðstu stundu.