Íslandsvinur biðst afsökunar á meiðandi ummælum

Kjaftfori kokkurinn Gordon Ramsay hefur beðið ástralska sjónvarpskonu afsökunar á miður skemmtilegum ummælum sem hann lét falla um hana fyrir framan þrjúþúsund áhorfendur.

Ramsay var að elda á matarsýningu í Melbourne á laugardaginn. Þar lét hann ummælin falla um sjónvarpskonuna Tracy Grimshaw sem snerust um að hún væri lesbía og líkti hann henni við svín í leiðinni.

Tracy notaði tækifærið og svaraði fyrir sig í sjónvarpsþætti sínum og kallað Ramsay sjálfsdýrkanda.

Ramsay mun hafa látið ummælin falla til að kitla hláturtaugar áhorfenda en síðar séð eftir því. Þess vegna biður hann afsökunar nú. Honum tókst hinsvegar ætlunarverk sitt því salurinn grenjaði úr hlátri þegar ummælin féllu.