Drogba: Mark Juventus vakti okkur

Didier Drogba er að hitna á ný eftir að Guus Hiddink tók við Chelsea-liðinu. Hann segir að það besta sem gat komið fyrir Chelsea í kvöld var að Juventus skyldi hafa skorað.

„Við vissum ekki alveg hvernig við ættum að spila. Hvort við ættum að sækja eða ekki. Þannig að við spiluðum bara upp á skyndisóknir. Þegar Juve skoraði síðan ákváðum við að spila okkar leik þannig að það var mjög gott að Juve skyldi skora," sagði Drogba kátur.

„Maður vill byrja alla leiki á því að vilja vinna en það er oft önnur taktík í Meistaradeildinni og markið þeirra hjálpaði okkur," sagði Drogba að lokum.