Eiður og Ronaldinho til Stuttgart

Eiður Smári Guðjohnsen og Ronaldinho eru í leikmannahópi Barcelona sem mætir Stuttgart annað kvöld í Meistaradeild Evrópu.

Ronaldinho hefur ekki leikið með Barcelona vegna meiðsla síðan liðið mætti Lyon í Meistaradeildinni í síðasta mánuði.

Eiður Smári hefur enn ekkert tækifæri fengið með Barcelona en var þó í leikmannahópnum gegn Lyon.

Yaya Toure er meiddur og verður ekki með, sem og Gianluca Zambrotta, Samuel Eto'o, Edmilson og Gabriel Milito.

Rafael Marquez er hins vegar orðinn leikfær á ný og er í hópnum.

Hópur Barcelona: Valdés, Jorquera, Sylvinho, Abidal, Puyol, Milito, Oleguer, Thuram, Márquez, Xavi, Iniesta, Deco, Ronaldinho, Eiður Smári, Marc Crosas, Bojan, Giovani, Messi og Henry.