Kalashnikov riffillinn 60 ára

Kalashnikov árásarriffillinn rússneski er sextugur á þessu ári. Hönnur þessa heimsfræga drápstóls var heiðraður fyrir hönnunina í heimabæ sínum í dag. Þar bölvaði hann eftirlíkingum og sagðist gleðajst þegar sköpunarverk sitt væri notað í göfugum tilgangi.

Það var árið 1947 sem sovéski herinn fór að nota AK-47 árásarriffilinn sem Mikhail Kalashnikov hannaði og er nefndur eftir honum. Síðan þá hafa rúmlega hundrað milljón rifflar verið smíðaðir. Nærri fimmtíu lönd láta hermenn sína hafa þá til verndar og árásar.

Rachel Ftohl, hernaðarsérfræðingur, segir AK-47 árásarrifflana að finna alls staðar í heiminum. Þeir séu notaðir í borgarastyrjöldum og af glæpamönnum. Hún segir þetta þekkt sem áreiðanlegasta vopn í heimi og að allir vilji fá það. Bandaríkjamenn hafi sem dæmi keypt AK-47 árásarriffla fyrir hermenn sína í Írak.

Kalashnikov hannaði riffilinn þar sem hann lá særður á sjúrkahúsi um leið og Seinni heimsstyrjöldinni var að ljúka. Hönnun hans er nú fagnað víða um Rússland þetta árið og fékk Kalashnikov, sem er 87 ára, höfðinglegar móttökur í heimabæ sínum Izhevsk í dag.

Kalashnikov sagðist ánægður með að heyra nafn sitt nefnt þegar byssan sé notuð í göfugum tilgangi. Í Mósambík hafi uppreisnarmenn notað hana í frelsisbaráttu sinni og margir skírt syni sína Kalash. Í hverju þorpi séu margir drengir skírðir eftir honum og það sé gaman að heyra.

Kalashnikov er ósáttur við ódýrar eftirlíkingar sem framleiddar í Búlgaríu, Kína og Bandaríkjunum. Rússar hafa reiknað út að frá Kalda stríðsinu hafi þeir tapað jafnvirði rúmlega tuttugu milljörðum króna árlega vegna þessa.