Ferguson: Milan verðskuldaði sigurinn

Sir Alex Ferguson, stjóri Manchester United, viðurkenndi að AC Milan hefði verið betra liðið í kvöld þegar lið hans féll úr keppni í Meistaradeildinni eftir 3-0 tap í Mílanó. Hann sagði sína menn aldrei hafa verið sérstaklega líklega til að skora.

"Milan fékk mörkin sín á ódýran hátt og það olli mér vonbrigðum. Þeir voru í alla staði ferskari og við vorum á hælunum. Ég verð að viðurkenna að mér fannst við aldrei sérstaklega líklegir til að skora og sigur Milan var verðskuldaður," sagði Ferguson.