Ferguson: Besti Evrópuleikurinn undir minni stjórn

Sir Alex Ferguson var bókstaflega í sjöunda himni í kvöld eftir að hans menn í Manchester United rótburstuðu Roma 7-1 í síðari leik liðanna í 8-liða úrslitum Meistaradeildarinnar. Ferguson sagði þetta bestu frammistöðu liðsins í Meistaradeildinni í sinni stjórnartíð.

"Markatalan í kvöld gefur það hreint til kynna að þetta var besti leikur liðsins í Meistaradeildinni undir minni stjórn. Þetta var frábær leikur. Spilamennskan var hreint út sagt stórkostleg og það er frábært að sjá strákana spila svona vel eftir tvo slaka leiki í síðustu viku," sagði Ferguson og bætti við; "Ég get ekki beðið eftir undanúrslitunum."