Supercross Lites úrslit

Gríðarleg spenna var í lites flokknum þegar það kom að aðalkeppninni í Orlando. Bjuggust menn við svipuðum úrslitum líkt og í síðustu keppnum, þar sem þeir sömu jafnan raða sér upp á verðlauna pall.

Tommy Hahn náði holuskotinu á Honda en var fylgt fast á eftir af Ryan Dungey, hvað skeði svo var hreint og beint ótrúlegt. Þegar Hahn og Dungey nálguðust þriðju beygju þá féll Matt Goerke harkalega eftir þrefaldan og skaust hjól Goerke í Dungey sem var að fara yfir whoops kafla, við það fór hann harkalega niður og var keppninn stöðvuð þar sem gríðarleg trafíkk myndaðist.

Eftir endurstartið þá tókst Billy Laninovich að ná forystu, eftir honum voru þeir Brenden Jesseman, Ben Townley og Ryan Morais. Mike Alessi var komin i fimmta sæti þegar leið á sjötta hring, þá náði Jesseman forystunni af Laninovich. Á níunda hring kom Townley sér innan á Laninovich og tók af honum annað sætið, Laninovich svaraði harkalega fyrir sér og skellti sér harkalega innan á Townley sem við þennan framúrakstur fór niður. Hring síðar Kom Alessi sér innan á Laninovich og tók af honum þriðja sætið, Laninovich hafði greinilega klárað sig á fyrri hringjum. Þá náðu bæði Ryan Morais og Darcy Lange að koma sér fram úr Laninovich. Alessi varð svo á mistök á síðasta hring, og missti því Morais og Lange framm úr sér.

Þetta endaði því svo að Brenden Jesseman náði fyrsta sætinu, annar varð Ryan Morais og þriði Darcy lange.

Þetta var fyrsti sigur Brenden Jesseman í nokkur ár, hann var því vel að þessum sigri komin.

Staðan er því þessi eftir Orlando :

• Ryan Morais 78 Stig
• Darcy Lange 72
• Ben Townley 64
• Mike Alessi 56
• Branden Jesseman 54