11 látnir og 14 slasaðir í árás í Kerbala

Vígamenn í borginni Kerbala skutu í dag á tvær rútur fullar af shía múslimum sem voru að koma úr árlegri pílagrímsferð til Mekka með þeim afleiðingum að 11 létust og 14 særðust. Ríkisstjóri Kerbala sagði árásina sennilega vera hefndaraðgerð þar sem fregnir bárust af því í gær að rútu af súnní múslimum hefði verið rænt í nágrenni Anbar héraðsins en þær fréttir reyndust síðar rangar.

George W. Bush, forseti Bandaríkjanna, ætlar sér einmitt að senda um 4,000 hermenn til Anbar til þess að taka á ofbeldi í héraðinu en það er eitt það óstöðugasta í Írak um þessar mundir.