Söknum Ballack ekki neitt

Karl-Heinz Rummenigge, stjórnarformaður Bayern Munchen, segir að félagið sakni miðjumannsins Michael Ballack ekki neitt og segir þá gagnrýni sem liðið hefur orðið fyrir undanfarið vera alveg þá sömu og á síðasta ári þegar þýski landsliðsmaðurinn var í herbúðum liðsins.

"Ef vel er að gáð getur vel verið að Michael hafi skorað nokkur mikilvæg mörk fyrir okkur, en brottför hans hefur enga úrslitaþýðingu fyrir allt liðið. Hann hefði kannski hjálpað okkur að reita inn stig hér og þar, en menn mega ekki gleyma því að við vorum gagnrýndir alveg jafn harðlega í fyrra þegar hann var hjá okkur," sagði Rummenigge.