Ráðleggur Hargreaves að halda kjafti

Uli Hoeness, framkvæmdastjóri Þýskalandsmeistara Bayern Munchen, er orðinn þreyttur á endalausum yfirlýsingum enska landsliðsmannsins Owen Hargreaves um draum sinn um að ganga í raðir Manchester United. Hoeness segir að Hargreaves væri hollara að fara að halda sér saman.

"Ég mundi ráðleggja honum að halda kjafti undir eins, því það er stutt í að ég verði reiður - og það vill hann svo sannarlega ekki kalla yfir sig," sagði Hoeness ákveðinn. Ég hef átt tvo fundi með Hargreaves og ég einfaldlega skil ekki af hverju hann heldur áfram að tala um hvað hann langi að fara til Manchester United. Hann fer ekki fet og þarf að læra sætta sig við ákvarðanir yfirmanna sinna. Þetta er spurning um að sýna virðingu," sagði Hoeness.