Litlar vinsældir Rock Star

Þrátt fyrir miklar vinsældlir Rock Star: Supernova hér á landi virðast Bandaríkjamenn ekki vera jafn hrifnir af hinum eitilhörðu rokkurum sem reyna að fá inni hjá rokksveitinni Supernova.

Þættirnir hafa ekki enn náð inná topp 20 listann þar vestra sem þykir mikið áfall fyrir CBS - sjónvarpsstöðina enda voru engin smástirni fenginn til að vera með að þessu sinni því þeir Tommy Lee, Gilby Clarke og Jason Newsted hafa allir verið meðlimir í þekktustu rokksveitum heims.

Rock Star kemst ekki nálægt vinsældum American Idol sem hefur lengi trónað á toppnum í Bandaríkjunum þegar þau Randy Jackson, Simon Cowell og Paula Abdul birtast skjánum þar vestra.

Idol - þátturinn virðist eiga þessa senu í sjónvarpi því ABC hefur hætt framleiðslu á raunveruleikaþáttunum The One: Making a Music Star eftir að fyrstu tveir þættirnir fengu ákaflega lítið áhorf.