Samfylkingin dótturfélag auðhrings 23. október 2005 17:31 Davíð Oddsson formaður Sjálfstæðisflokksins var harðorður í garð 365 fjölmiðlasamsteypunnar í setningarræðu sinni á 36. landsfundi Sjálfstæðisflokksins í gær og sagði hana misnotaða af eigendum sínum. Hann leit yfir farinn veg, kvaðst hafa notið þess út í æsar að vera formaður Sjálfstæðisflokksins. Hann kvaddi flokksmenn og sagðist einnig glaður yfir því að mega hætta á eigin forsendum. „Ég hef fagnað og þakkað þá miklu eindrægni sem ríkt hefur í miðstjórn og þingflokki alla mína formannstíð. Dótturfélag auðhrings Davíð sagði að þjóðin hefði fylgst með hvernig fjölmiðlasamsteypa hefði verið notuð til að þjóna hagsmunum aðaleigenda sinna, sem stæðu í ströngu á öðrum vettvangi. „Slíka notkun auðhrings á fjölmiðlum hef ég hvergi séð í þessum mæli og fylgist þó víða vel með. Óvægnum árásum og slúðri úr stolnum gögnum hefur verið beint gegn einstaklingum sem auðhringnum hefur verið í nöp við. Árásum hefur einnig verið beint að mér, oftast þó undir rós og með endalausum dylgjum. Ég læt mér það í léttu rúmi liggja. Hver leigupenninn af öðrum heldur því fram að ég sé andvígur tiltekinni samþjöppun umsvifa í viðskiptalífinu af því að mér líki ekki eigendahópurinn." Davíð rifjaði síðan upp að hann hefði í ræðu og riti talað gegn samþjöppun og einokun. „Ég er andvígur því að heilbrigð samkeppni snúist upp í andhverfu sína, vegna þess að ég trúi því og hef alltaf trúað því að heilbrigð samkeppni sé góð fyrir fólkið í landinu. Ég hrósaði Alþýðuflokknum sáluga 1978 fyrir rétta afstöðu í þessu máli þá. Því er enn dapurlegra að ekki aðeins formaður Samfylkingarinnar, heldur einnig sumir þingmenn hennar, eins og ömurlegt uppistand í þinginu síðastliðinn þriðjudag sýndi, virðast naumast líta lengur á Samfylkinguna sem flokk en fremur sem tiltölulega léttvægt dótturfélag auðhrings. Við Sjálfstæðismenn getum því ekki vænst stuðnings úr þessari átt." Forsetinn og árásin Davíð brýndi fyrir fundargestum að láta þessi ósköp sem nú væru uppi og ætluð væru til að rugla fólk í ríminu og skelfa lögreglu og dómstóla, hafa nein áhrif á störf landsfundarins. „Eftir fáein ár verður þessi ljótasti blettur í sögu íslenskrar fjölmiðlunar kominn í sitt skot í sögunni. Sama má segja um þá árás sem gerð var á þingræðið í landinu og lengi verður í minnum höfð. Sjálfstæðisflokkurinn mun hins vegar áfram berjast fyrir frjálsu samfélagi, þar sem fölskvalaus samkeppni ríkir, allir eiga jafnan rétt til náms og heilbrigðisþjónustu, þar sem tækifærin eru fjöldans og allir teljast jafnir fyrir lögunum."Evrópusambandið Davíð vék einnig orðum að öðrum átakamálum samtímans. Hann sagði að við og við blossaði upp umræða um það, hvort Ísland ætti að sækja um aðild að Evrópusambandinu. Hann sagði stefnu Sjálfstæðisflokksins skýra. Samningurinn um evrópska efnahagssvæðið tryggði aðgang að innri markaði sambandsins. Þar með nytu Íslendingar helstu kosta aðildar án þess að vera meðlimir og þurfa að sæta ókostunum. „Það liggur líka fyrir að aðild að Evrópusambandinu myndi reynast okkur mjög dýr... Aðgöngumiðinn myndi kosta mörg þúsund milljónir á ári hverju. Og hver vill kaupa slíkan miða sem engu breytir um markaðsaðgang okkar en færir yfirráð yfir íslensku fiskimiðunum til Brussel og smám saman myndi svipta okkur raunverulegu sjálfstæði í efnahagsmálum? Enginn hefði maður haldið. En það er sama hversu sýningin er slæm, illa leikin og endirinn ömurlegur, það er eins og alltaf sé hægt að finna einhvern vitleysinginn sem vill kaupa miða á uppsprengdu verði. Formaður Samfylkingarinnar vill nú að Íslendingar kasti krónunni og taki upp evru vegna snúinnar stöðu efnahagsmála um skamma hríð. Er það virkilega svo að það hafi farið fram hjá einhverjum að evra verður ekki tekin upp án aðildar að ESB? Vita menn ekki að það tæki mörg ár að ganga í ESB?. Hefur enginn sagt þeim að eftir að í ESB er komið þarf íslenska myntin að fylgja skráningu evrunnar í tvö ár áður en evran verður tekin upp sem gjaldmiðill þjóðarinnar?" Davíð bætti við að vaxtastefna ESB miðaðist við hagsmuni stóru aðildarþjóðanna auk þess sem aðild þýddi glötuð yfirráð yfir fiskimiðunum og milljarða kostnað sem aðild fylgdi. „Hitt er svo annað mál, að við megum ekki falla í þá gryfju að halda að allt sé ómögulegt sem frá Samfylkingunni kemur. Það er alls ekki svo. Því miður er það einfaldlega þannig að 99 prósent af því kemur óorði á allt hitt." > Fréttir Innlent Stj.mál Mest lesið Málið áfall fyrir embættið Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Mál Ásthildar Lóu krufið fyrir opnum tjöldum Innlent Njósnaaðgerðir sagðar tengjast deilum tveggja af auðugustu mönnum landsins Innlent Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Ráðherra vill að leigubílsstjórar tali íslensku Innlent „Miklu svakalegra en ég gerði mér grein fyrir“ Innlent Ungur maður handtekinn vegna morðanna í Uppsölum Erlent Vill að þingflokkar vinni saman að því að stytta frí þingmanna Innlent Fleiri fréttir Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Sjá meira
Davíð Oddsson formaður Sjálfstæðisflokksins var harðorður í garð 365 fjölmiðlasamsteypunnar í setningarræðu sinni á 36. landsfundi Sjálfstæðisflokksins í gær og sagði hana misnotaða af eigendum sínum. Hann leit yfir farinn veg, kvaðst hafa notið þess út í æsar að vera formaður Sjálfstæðisflokksins. Hann kvaddi flokksmenn og sagðist einnig glaður yfir því að mega hætta á eigin forsendum. „Ég hef fagnað og þakkað þá miklu eindrægni sem ríkt hefur í miðstjórn og þingflokki alla mína formannstíð. Dótturfélag auðhrings Davíð sagði að þjóðin hefði fylgst með hvernig fjölmiðlasamsteypa hefði verið notuð til að þjóna hagsmunum aðaleigenda sinna, sem stæðu í ströngu á öðrum vettvangi. „Slíka notkun auðhrings á fjölmiðlum hef ég hvergi séð í þessum mæli og fylgist þó víða vel með. Óvægnum árásum og slúðri úr stolnum gögnum hefur verið beint gegn einstaklingum sem auðhringnum hefur verið í nöp við. Árásum hefur einnig verið beint að mér, oftast þó undir rós og með endalausum dylgjum. Ég læt mér það í léttu rúmi liggja. Hver leigupenninn af öðrum heldur því fram að ég sé andvígur tiltekinni samþjöppun umsvifa í viðskiptalífinu af því að mér líki ekki eigendahópurinn." Davíð rifjaði síðan upp að hann hefði í ræðu og riti talað gegn samþjöppun og einokun. „Ég er andvígur því að heilbrigð samkeppni snúist upp í andhverfu sína, vegna þess að ég trúi því og hef alltaf trúað því að heilbrigð samkeppni sé góð fyrir fólkið í landinu. Ég hrósaði Alþýðuflokknum sáluga 1978 fyrir rétta afstöðu í þessu máli þá. Því er enn dapurlegra að ekki aðeins formaður Samfylkingarinnar, heldur einnig sumir þingmenn hennar, eins og ömurlegt uppistand í þinginu síðastliðinn þriðjudag sýndi, virðast naumast líta lengur á Samfylkinguna sem flokk en fremur sem tiltölulega léttvægt dótturfélag auðhrings. Við Sjálfstæðismenn getum því ekki vænst stuðnings úr þessari átt." Forsetinn og árásin Davíð brýndi fyrir fundargestum að láta þessi ósköp sem nú væru uppi og ætluð væru til að rugla fólk í ríminu og skelfa lögreglu og dómstóla, hafa nein áhrif á störf landsfundarins. „Eftir fáein ár verður þessi ljótasti blettur í sögu íslenskrar fjölmiðlunar kominn í sitt skot í sögunni. Sama má segja um þá árás sem gerð var á þingræðið í landinu og lengi verður í minnum höfð. Sjálfstæðisflokkurinn mun hins vegar áfram berjast fyrir frjálsu samfélagi, þar sem fölskvalaus samkeppni ríkir, allir eiga jafnan rétt til náms og heilbrigðisþjónustu, þar sem tækifærin eru fjöldans og allir teljast jafnir fyrir lögunum."Evrópusambandið Davíð vék einnig orðum að öðrum átakamálum samtímans. Hann sagði að við og við blossaði upp umræða um það, hvort Ísland ætti að sækja um aðild að Evrópusambandinu. Hann sagði stefnu Sjálfstæðisflokksins skýra. Samningurinn um evrópska efnahagssvæðið tryggði aðgang að innri markaði sambandsins. Þar með nytu Íslendingar helstu kosta aðildar án þess að vera meðlimir og þurfa að sæta ókostunum. „Það liggur líka fyrir að aðild að Evrópusambandinu myndi reynast okkur mjög dýr... Aðgöngumiðinn myndi kosta mörg þúsund milljónir á ári hverju. Og hver vill kaupa slíkan miða sem engu breytir um markaðsaðgang okkar en færir yfirráð yfir íslensku fiskimiðunum til Brussel og smám saman myndi svipta okkur raunverulegu sjálfstæði í efnahagsmálum? Enginn hefði maður haldið. En það er sama hversu sýningin er slæm, illa leikin og endirinn ömurlegur, það er eins og alltaf sé hægt að finna einhvern vitleysinginn sem vill kaupa miða á uppsprengdu verði. Formaður Samfylkingarinnar vill nú að Íslendingar kasti krónunni og taki upp evru vegna snúinnar stöðu efnahagsmála um skamma hríð. Er það virkilega svo að það hafi farið fram hjá einhverjum að evra verður ekki tekin upp án aðildar að ESB? Vita menn ekki að það tæki mörg ár að ganga í ESB?. Hefur enginn sagt þeim að eftir að í ESB er komið þarf íslenska myntin að fylgja skráningu evrunnar í tvö ár áður en evran verður tekin upp sem gjaldmiðill þjóðarinnar?" Davíð bætti við að vaxtastefna ESB miðaðist við hagsmuni stóru aðildarþjóðanna auk þess sem aðild þýddi glötuð yfirráð yfir fiskimiðunum og milljarða kostnað sem aðild fylgdi. „Hitt er svo annað mál, að við megum ekki falla í þá gryfju að halda að allt sé ómögulegt sem frá Samfylkingunni kemur. Það er alls ekki svo. Því miður er það einfaldlega þannig að 99 prósent af því kemur óorði á allt hitt." >
Fréttir Innlent Stj.mál Mest lesið Málið áfall fyrir embættið Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Mál Ásthildar Lóu krufið fyrir opnum tjöldum Innlent Njósnaaðgerðir sagðar tengjast deilum tveggja af auðugustu mönnum landsins Innlent Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Ráðherra vill að leigubílsstjórar tali íslensku Innlent „Miklu svakalegra en ég gerði mér grein fyrir“ Innlent Ungur maður handtekinn vegna morðanna í Uppsölum Erlent Vill að þingflokkar vinni saman að því að stytta frí þingmanna Innlent Fleiri fréttir Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Sjá meira
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent