Hræði­legt að missa sam­skipti við um­heiminn og veiðigjöldin

Veiðigjöld verða hækkuð umtalsvert samkvæmt frumvarpi sem ríkisstjórnin afgreiddi í morgun. Atvinnuvegaráðherra segir þó horfið frá tvöföldun þeirra. Hún skilur ekki umdeilda auglýsingu SFS gegn hækkuninni og er sannfærð um að hún nái fram að ganga. Við ræðum við fulltrúa stjórnar og stjórnarandstöðu í beinni um málið, og freistum þess að vita hvort stjórnarandstaðan ætli jafnvel í málþóf fram á sumar.

Tólf mánaða verðbólga mælist nú á uppleið, og er nú 4,2 prósent. Við ræðum við fjármálasérfræðing í beinni og rýnum í horfurnar. Þá segjum við frá frumvarpi sem ætlað er að laga ástandið á leigubílamarkaði, en sitt sýnist hverjum um það úr hópi þeirra sem nú bjóða upp á far gegn gjaldi. Þá kynnum við okkur lokanir sundlauga í sumar, en Vesturbæjarlaug lokar í tæpan mánuð í maí.

Ekki missa af kvöldfréttum Stöðvar 2 í opinni dagskrá á slaginu hálf sjö, á samtengdum rásum Stöðvar 2, Vísis og Bylgjunnar.