Gylfi Þór leiðir Við­reisn í Mos­fells­bæ

„Ég er mjög spenntur fyrir komandi verkefni,“ segir Gylfi Þór. 

„Góð sveitarfélög verða ekki til af tilviljun. Þau verða til þegar fólk með reynslu af raunverulegum verkefnum tekur þátt í ákvörðunum. Það eru mikil tækifæri fyrir Viðreisn í Mosfellsbæ, þar sem við byggjum á góðum grunni núverandi meirihluta. Sveitarfélag er ekki bara skipulag eða fjárhagsáætlun, það er þjónusta við fólk á öllum aldri. Við þurfum að sérstaklega að halda áfram að styðja við börnin okkar, sem er átak í þágu barna og unglinga í Mosfellsbæ,“ segir hann.

Í fjórða sæti listans er Berglind Robertson Grétarsdóttir leikskólastjóri, í fimmta sæti Haukur Skúlason, annar stofnenda Indó og fyrrverandi framkvæmdastjóri og í sjötta sæti er Guðrún Þórarinsdóttir viðurkenndur bókari.

„Það skiptir líka miklu máli að halda vel utan um uppbyggingarverkefni eins og á Blikastaðalandinu til að halda áfram að byggja upp góð heimili og gott sveitarfélag fyrir íbúa og fyrirtæki án þess að missa það sem gerir bæinn að góðum stað til að búa á: nálægðina, öryggið, náttúruna og samfélagsandann. Mosfellsbær á að vera áfram fjölskyldubær en líka framtíðarbær,“ er haft eftir Gylfa Þór.

Listi Viðreisnar í Mosfellsbæ er eftirfarandi:

1. Gylfi Þór Þorsteinsson, sviðsstjóri hjá Rauða krossi Íslands
2. Valdimar Birgisson, rekstrarráðgjafi og varaþingmaður
3. Elín Anna Gísladóttir, verkfræðingur
4. Berglind Robertson Grétarsd., leikskólastjóri
5. Haukur Skúlason, annar stofnenda indó og fv. framkvæmdastjóri
6. Guðrún Þórarinsdóttir, viðurkenndur bókari
7. Birgir Örn Birgisson, lögfræðingur
8. Erla Björk Gísladóttir, MSc í mannauðsstjórnun og B.S. í ferðamálafræði
9. Óðinn Freyr Baldursson, kvikmyndaframleiðandi
10. Valgerður Lilja Jónsdóttir, gæðastjóri
11. Sigurður Unnar Ragnarsson, stuðningsfulltrúi og aðstoðarmaður kennara í FMOS
12. Hera Björk Þórhallsdóttir, löggiltur fasteignasali og söngkona
13. Kjartan Jóhannes Hauksson, nemi í viðskiptafræði
14. Hildur Björg Bæringsdóttir, viðskiptafræðingur og kennari
15. Magnús Sverrir Kristófersson, smiður og sölumaður fasteigna á Tenerife
16. Eyja Eydal Björnsdóttir, teymisstjóri í sértækri búsetu
17. Reynir Matthíasson, framkvæmdastjóri
18. Ingibjörg Bergrós Jóhannesdóttir, viðskiptafræðingur
19. Helgi Pálsson, framkvæmdastjóri
20. Ólöf Guðmundsdóttir, kennari í Varmárskóla
21. Bolli Valgarðsson, Ráðgjafi hjá Skarfavík ehf. almannatengslum og ráðgjöf
22. Lovísa Jónsdóttir, lögfræðingur og fráfarandi oddviti