KB banki lækkar vexti enn frekar

KBbanki hefur ákveðið að lækka vexti á íbúðalánum niður í fjögur komma tvö prósent, og gildir það líka fyrir þá sem tekið hafa lán hjá bankanum með fjögurra komma fjögurra prósenta vöxtum. Á sama tíma hefur bankinn ákveðið að veita lán upp á áttatíu prósenta hlutfall af verðmæti eignar í öllum þeim bæjarfélögum þar sem KB banki er með útibú. Þessar breytingar voru tilkynntar á blaðamannafundi sem hófst nú klukkan fjögur og má ætla að framundan sé ný orrusta á íbúðalánamarkaðnum sem hófst í síðustu viku á sama stað.