Hlín hafði betur í Íslendingaslagnum í Sví­þjóð

María Catharína Ólafsdóttir Grós var í byrjunarliði Djurgarden en Malmö hafði sterk tök á leiknum frá fyrstu mínútu. Vesna Milivojevic kom Malmö í forystuna á 29. mínútu og aðeins þrem mínútum síðar tvöfaldaði Izzi D’Aquila forystu Malmö.

Staðan hélst 2-0 í hálfleik en leikurinn róaðist aðeins í seinni hálfleik. Alvali Lindström tryggði þó öruggan 3-0 sigur fyrir Malmö á 77. mínútu leiksins.

Hlín Eiríksdóttir spilaði allan leikinn á kantinum hjá Malmö en Maríu var skipt af velli á 61. mínútu hjá Djurgarden.

Með sigrinum bætti Malmö stöðu sína í þriðja sæti sænsku úrvalsdeildarinnar sem er jafnframt síðasta sætið sem gefur sæti í undankeppni Meistaradeildar Evrópu. Djurgarden er í harðri fallbaráttu og er aðeins einu stigi frá tólfa sæti deildarinnar sem er umspilssæti um að halda áfram í sænsku úrvalsdeildinni.