Bæta um­ferðar­öryggi við gatna­mót Miklu­brautar og Grens­ás­vegar

Í tilkynningu frá Vegagerðinni kemur fram að framkvæmdunum verði skipt í fjóra áfanga og að loka þurfi einni akrein í einu meðan á vinnu stendur. Því megi búast við tímabundnum breytingum á umferðarskipulagi á svæðinu.

„Ökumönnum er bent á að fylgjast vel með merkingum á svæðinu og virða tímabundnar umferðaráðstafanir. Sérstaklega verður hugað að öryggi gangandi og hjólandi vegfarenda og verða göngu- og hjólaleiðir merktar sérstaklega meðan á framkvæmdum stendur,“ segir að lokum í tilkynningu.

Í tilkynningu kemur fram að settar verði upp nýjar, upphækkaðar gönguþveranir á fjórum stöðum við gatnamótin, þar sem umferð er hleypt til hægri af aðalbraut, eða við svokölluð hægribeygju-framhjáhlaup. Þá verði lýsing bætt og settir upp ljósastaurar og götulampar vegna gangbrautarlýsingar.

Einnig verða gerðar endurbætur á miðeyjum og aðstöðu fyrir gangandi og hjólandi vegfarendur og komið fyrir niðurföllum. Fara þarf síðan í jarðvinnu og yfirborðsfrágang í lok framkvæmda.