Kviku­hlaup frá Svarts­engi enn lík­legasta sviðs­myndin

Nýjustu líkanreikningar gefi til kynna að frá upphafi síðasta goss í júlí 2025 hafi um 29,1 milljón rúmmetra af kviku safnast undir Svartsengi. Óvissubilið er frá 28,3 til 29,9 milljónum rúmmetra.

Í tilkynningu segir að á meðan kvika haldi áfram að safnast fyrir og þrýstingur aukist í kerfinu sé líklegasta sviðsmyndin sú að kvikuhlaup verði frá Svartsengi yfir í Sundhnúksgígaröðina. Það gæti leitt til eldgoss og að gera þurfi áfram ráð fyrir stuttum fyrirvara, líkt og áður. Fyrirvari fyrri eldgosa hefur verið frá um 20 mínútum upp í rúmar fjórar klukkustundir.

Jarðskjálftavirkni á Sundhnúksgígaröðinni og í grennd við Grindavík er áfram lítil samkvæmt tilkynningunni og er hættumat óbreytt frá síðustu tilkynningu Veðurstofunnar í júlí og í gildi til 30. september.