Innlent

Nokkrir hand­teknir vegna mannsláts

Jón Þór Stefánsson skrifar
Atvikið átti sér stað á Kársnesi.
Atvikið átti sér stað á Kársnesi. Vísir

Einn var handtekinn fljótlega eftir að alvarleg líkamsárás var framin í heimahúsi í Kópavogi í dag. Í kjölfarið voru nokkrir handteknir til viðbótar í aðgerðum lögreglu í austurhluta Reykjavíkur. Sá sem varð fyrir árásinni er látinn.

Þetta kemur fram í tilkynningu frá lögreglunni á höfuðborgarsvæðinu.

Þar segir að sá sem hafi fyrir árásinni hafi látist á Landspítalanum síðdegis.

„Rannsókn málsins er í algjörum forgangi hjá embættinu, en ekki verða veittar frekari upplýsingar að svo stöddu,“ segir í tilkynningunni.

Mynd frá vettvangiVísir

Samkvæmt heimildum fréttastofu sáu nágrannar til tveggja manna hlaupa frá húsinu þar sem atvikin áttu sér stað, þá líklega örskömmu eftir að meintur glæpur var framin.

Jafnframt hafi þeir heyrt hróp og köll.

Aðgerð við Gnoðavog

Líkt og áður segir handtók lögregla fleiri vegna málsins í austurhluta borgarinnar. Líklega tengist það í aðgerðum við íbúðarhúsnæði í verslunarkjarna við Gnoðavog um fimmleytið í dag.

Mynd frá vettvangi.Vísir

Þar sáust minnst tveir menn leiddir út í járnum. Mikill viðbúnaður var á vettvangi. Að minnsta kosti sáust sex lögreglubílar þar. Þá voru lögreglumenn á vettvangi að leita í runnum og rusli.

Lögreglumál Kópavogur Reykjavík Manndráp í Vallargerði á Kársnesi

Tengdar fréttir

Mikill viðbúnaður lögreglu í Vogunum

Mikill viðbúnaður lögreglu var við íbúðarhús sem er í verslunarkjarna við Gnoðarvog í Reykjavík um fimmleytið í dag, en þegar mest var voru minnst sex lögreglubílar á vettvangi. Þá voru að minnsta kosti tveir menn leiddir út í járnum.

Mest lesið


Fleiri fréttir

Sjá meira


×

Mest lesið