Sara Björk leitar enn fyrsta sigursins

Haukar voru sterkari aðilinn í leik kvöldsins sem lauk með markalausu jafntefli þrátt fyrir einhver færi á báða bóga.

Eftir að hafa unnið fyrstu fimm leiki tímabilsins hafa Haukar nú spilað sex leiki í röð án sigurs. Liðið bindur þó enda á þriggja leikja taphrinu.

Fyrrverandi landsliðsfyrirliðinn Sara Björk Gunnarsdóttir lék sinn annan leik fyrir Hauka í kvöld en gat ekki frekar en aðrir leikmenn beggja liða sett mark sitt á leikinn.

Haukar eru í þriðja sæti Lengjudeildarinnar með 18 stig eftir ellefu leiki, tíu stigum frá toppliði Gróttu sem hefur leikið einum leik meira. KR er í öðru sæti með 22 stig.

ÍA vann áðurnefnt lið KR í síðasta leik sínum en er eftir jafntefli kvöldsins með 15 stig í sjöunda sæti.