Viðskipti innlent

Sviptingar í stjórn Amaroq

Samúel Karl Ólason skrifar
Eldur Ólafsson er stofnandi og forstjóri málmleitarfélagsins Amaroq minerals, sem vinnur að gullgreftri í Grænlandi.
Eldur Ólafsson er stofnandi og forstjóri málmleitarfélagsins Amaroq minerals, sem vinnur að gullgreftri í Grænlandi.

Nokkrar breytingar eru að eiga sér stað á stjórn málmleitarfélagsins Amaroq. Sigurbjörn Þorkelsson tekur við formennsku stjórnarinnar af Graham Stewart. Sá hefur verið formaður undanfarin sjö ár en verður áfram í stjórninni. Þá taka þrír nýir stjórnarmenn sér sæti.

Það eru þau Annette Brøndholt, Jorunn Johanne Sætre og Teitur Poulsen. David Neuhauser, sem setið hefur í stjórn Amaroq frá 2001, hættir.

Breytingarnar eiga að taka gildi þegar félagið verður skráð í kauphöllina í Lundúnum og á það að gerast í fyrsta lagi þann 31. júlí.

Í yfirlýsingu sem Amaroq birti í gær er haft eftir Stewart að stjórnin taki vel á móti áðurnefndum þrímenningum og að sameiginleg reynsla þeirra á sviði námuvinnslu, fjármála, orkumála og í stjórnun muni bæta stjórnina verulega.

Þar er einnig haft eftir Sigurbirni að honum sé það mikill heiður að taka við formennsku stjórnar félagsins á svo mikilvægum tímapunkti. Hann þakkar Graham fyrir vel unnin störf og býður verðandi nýja stjórnarmeðlimi velkomna.

Amaroq var skráð í kauphöll í Kanada en forsvarsmenn félagsins létu afskrá það þar fyrr á árinu. Áfram var það skráð á AIM, Nasdaq Iceland og OTCQX.

Sjá einnig: Taka Amaroq af markaði í Kanada

Þá gaf fyrirtækið fyrr á árinu út nýja afkomuspá fyrir 2026 sem var umfram fyrri væntingar. Samkvæmt henni verður framleiðsla í Nalunaq-gullnámunni meiri en áður var talið.

Amaroq Minerals


Mest lesið


Fleiri fréttir

Sjá meira


×

Mest lesið