Verð­mæta sam­talið er oft við kaffi­vélina eða á ganginum

Stundum eru mikilvægar ákvarðanir teknar eða mál rædd nánast óvart. Við kaffivélina, í lyftunni, í upphafi eða lok Teams-fundar eða á Zoom. Bara í spjallinu.

Í grein í Fast Company er bent á að við ættum að vera meðvitaðri um þessi litlu samtöl. Þau byrja jafnvel á einföldu „hæ, hæ“, „eigðu góða helgi“ eða „má ég spyrja þig að einu?“

Yfirleitt eru þetta sjálfsprottin og stutt samtöl, en þau geta okkur tækifæri til að fá skjót og hreinskilin svör við málum sem brenna á okkur.

Lítið spjall við kaffivélina getur því reynst árangursríkara en skipulagður fundur. Og stutt samtal þar sem vgefaskum samstarfsfólki góðrar helgar eða góðs dags getur stundum leitt af sér eitthvað sem skiptir miklu máli.

Það þýðir þó ekki að við eigum að reyna að nýta hvert einasta tækifæri til að ræða vinnuna. Þvert á móti. Slík samtöl þurfa að eiga sér stað í eðlilegu og náttúrulegu flæði.

Greinarhöfundur mælir með því að hafa eftirfarandi atriði í huga:

• Að aðstæður fyrir vinnusamtal séu réttar.
• Að samtalið verði til á eðlilegan og náttúrulegan hátt.
• Að við séum undirbúin og hugsum áður en við tölum.
• Að við séum markviss í því sem við viljum koma á framfæri, jafnvel þótt samtalið virðist vera tilviljunarkennt og fari fram á göngunum eða við kaffivélina.