Viðskipti innlent

Upp­sagnir hjá Brimi á Vopna­firði

Birgir Olgeirsson skrifar
Mannfjöldi Vopnafjarðarhrepps var 633 manns 1. janúar 2026.
Mannfjöldi Vopnafjarðarhrepps var 633 manns 1. janúar 2026. Vilhelm

Útgerðarfélagið Brim hefur ráðist í uppsagnir í uppsjávarvinnslu á Vopnafirði. Fundur með starfsmönnum átti að hefjast klukkan eitt í dag.

Samkvæmt heimildum Vísis snýst málið um að um 20 manns er sagt upp fastráðningu og boðnir lausasamningar í staðinn. Er það um 30% af starfsfólki uppsjávarvinnslu Brims á Vopnafirði.

Íbúafjöldi Vopnafjarðarhrepps var 633 manns 1. janúar síðastliðinn. Uppsjávarvinnslan á Vopnafirði er sérhæfð til vinnslu á loðnu, síld, kolmunna og makríl.

Sverrir Mar Albertsson, framkvæmdastjóri Afls starfsgreinafélags.ASÍ

„Þetta er bara excel dæmi um rekstur án þess að tekið sé tillit til byggðarlaga eða starfsmanna. Þetta er áfall fyrir bæði byggðina og fólkið sem hefur unnið þarna af trúmennsku,“ segir Sverrir Mar Albertsson, framkvæmdastjóri Afls stéttarfélags, í samtali við Vísi um málið.

Varaformaður Afls verður með starfsmönnum Brims í dag og veitir þeim ráðgjöf.

Magnús Róbertsson, vinnslustjóri Brim á Vopnafirði, vildi ekki veita viðtal vegna málsins fyrr en búið væri að ræða við starfsfólk. 

Vopnafjörður Brim Sjávarútvegur Vinnumarkaður

Tengdar fréttir

Hundruðum sagt upp í maí

Vinnumálastofnun bárust fjórar tilkynningar um hópuppsagnir í maí. Alls var 370 manns sagt upp störfum.

Meira atvinnuleysi og fjöldauppsagnir í maí

Forstjóri Vinnumálastofnunar segir greinileg merki þess að vinnumarkaðurinn sé að kólna en atvinnuleysi sé meira nú en á sama tíma í fyrra. Þrjú fyrirtæki hafa ráðist í fjöldauppsagnir í maí.



Mest lesið


Fleiri fréttir

Sjá meira


×

Mest lesið