Innlent

Ás­laug Arna tekur sæti á þingi á ný

Áróra L Davíðsdóttir skrifar
Áslaug Arna Sigurbjörnsdóttir tekur sæti á Alþingi á morgun. 
Áslaug Arna Sigurbjörnsdóttir tekur sæti á Alþingi á morgun.  Vísir/Vilhelm

Áslaug Arna Sigurbjörnsdóttir, þingmaður Sjálfstæðisflokksins og fyrrverandi ráðherra, tekur sæti á Alþingi á ný á morgun, miðvikudaginn 3. júní, eftir níu mánaða leyfi frá þingstörfum. Þá víkur Sigurður Örn Hilmarsson, varaþingmaður hennar, af þingi. Þetta kemur fram í tilkynningu á vef Alþingis. 

Áslaug Arna hefur dvalið í New York-borg síðastliðið ár þar sem hún lagði stund á MPA-nám (e. Master in Public Administration in Global Leadership) við Columbia-háskóla þar í borg. 

Sigurður Örn Hilmarsson varaþingmaður og lögmaður hljóp í skarðið fyrir Áslaugu á meðan en Áslaug er nú útskrifuð úr náminu og flutt aftur til Íslands.

Áslaug tilkynnti flutningana skömmu eftir að hafa naumlega lotið í lægra haldi fyrir Guðrúnu Hafsteinsdóttur í formannskosningu á landsfundi Sjálfstæðisflokksins í febrúar í fyrra. Aðeins nítján atkvæðum munaði á milli frambjóðendanna tveggja.

Þingmaðurinn boðaði heimkomu sína eftir útskrift á samfélagsmiðlinum Instagram í apríl og bauð vinum og vandamönnum í fögnuð á Parliament-hótelinu við Austurvöll á fimmtudaginn í tilefni heimkomunnar.

Sjálfstæðisflokkurinn Alþingi Landsfundur Sjálfstæðisflokksins 2025 Íslendingar erlendis

Tengdar fréttir

Áslaug býður í partý

Áslaug Arna Sigurbjörnsdóttir, þingmaður Sjálfstæðisflokksins, er á leið aftur til Íslands eftir tæpa ársdvöl í Bandaríkjunum. Hún býður vinum og vandamönnum í léttan fögnuð við heimkomuna. 

Mest lesið


Fleiri fréttir

Sjá meira


×

Mest lesið