Þjóðar­at­kvæða­greiðsla í sumar og hval­veiði­bátur á sjó

Við heyrum frá heitum umræðum á Alþingi og ræðum við tvo þingmenn í beinni útsendingu í kvöldfréttum Sýnar á slaginu 18:30.

Við spjöllum við splunkunýjan bæjarstjóra Mosfellsbæjar, Hilmar Gunnarsson, í beinni útsendingu. 

Forstjóri Flugfélagsins Atlanta og nýr stjórnarformaður, Baldvin Már Hermannsson, segir kaup stærsta fraktflugfélags heims á 49 prósenta hlut gefa Atlanta aukinn alþjóðlegan slagkraft.

Hvalveiðibátnum Hval 8 var núna undir kvöld rennt úr slippnum í Reykjavíkurhöfn eftir klössun og við verðum í beinni þaðan. 

Heimsþekkt listakona býður gestum í Listasafni Reykjavíkur að skanna sig inn í tölvu með hjálp tuga myndavéla sem skapar síðan styttu af viðkomandi. Sum verkanna sem eru til sýnis hafa staðið úti í íslenskri náttúru í meira en ár.

Aron Pálmarsson og Sigursteinn Arndal skipta um hlutverk hjá FH næsta vetur. Nú verður Aron aðal og Sigursteinn honum til aðstoðar.

Í Íslandi í dag, vöruhönnuðurinn Sesselja Thorberg. Hún missti vinnuna en eftir það sló hún svo rækilega í gegn með bæði vöruhönnun sinni og innanhússhönnun. Þannig að vinnumissir gerði það að verkum að hún gat látið marga drauma sína rætast og sló þannig í gegn.