Fimm aðalmenn eru í hreppsnefnd Ásahrepps og fimm varamenn. Alls greiddu 127 atkvæði en 224 voru á kjörskrá. Auðir seðlar voru tveir en engir ógildir. Þetta kemur fram í tilkynningu frá kjörstjórn Ásahrepps.

Gréta Guðmundsdóttir og Emil Þórðarson koma ný inn sem aðalmenn og á sama tíma fara Nanna Jónsdóttir og Þráinn Ingólfsson úr hreppsnefnd. Ásahreppur er vestast í Rangárvallasýslu á Suðurlandi.

Niðurstöður kosninganna eru eftirfarandi: 

Aðalmenn:

• Ísleifur Jónasson, Kálfholti, 86 atkvæði
• Helga Björg Helgadóttir, Syðri Hamrar 3, 86 atkvæði
• Kristín Hreinsdóttir, Seli, 72 atkvæði
• Gréta V. Guðmundsdóttir, Áskoti, 47 atkvæði
• Emil Þórðarson, Berustöðum, 46 atkvæði

Varamenn í þessari röð:

1. Hugrún Hannesdóttir, Fjallstúni, 35 atkvæði
2. Karl Ölvisson, Þjórsártúni, 33 atkvæði
3. Hannes Brynjar Sigurgeirsson, Ási 2, 32 atkvæði
4. Reynir Örn Pálmason, Króki, 25 atkvæði
5. Hulda Björk Haraldsdóttir, Berustöðum, 25 atkvæði