Lið Benónýs í góðri stöðu eftir dramatískt sigur­mark

Leikur dagsins var spilaður á heimavelli Stevenage og byrjaði Benóný Breki á meðal varamanna í liði Stockport. Benóný kom inn á í uppbótartíma venjulegs leiktíma í stöðunni 0-0. 

Skömmu eftir innkomu Benónýs dró til tíðinda því Ben Osborn skoraði sigurmark leiksins fyrir Stockport County á fjórðu mínútu uppbótartíma. 

Lokatölur 1-0 sigur Stockport sem fer því inn í seinni leik einvígisins með eins marks forystu. Seinni leikurinn er spilaður á heimavelli Stockport. Samanlögð úrslit úr leikjunum tveimur munu skera úr um það hvort liðið haldi í úrslitaleik um sæti í ensku B-deildinni. Bolton Wanderers og Bradford City mætast í hinu undanúrslitaeinvíginu.