Tveir létust þegar keyrt var inn í mann­fjölda í Leipzig

Þýski miðilinn DW greinir frá því að sjúkrabílar, slökkviliðsbílar, lögreglubílar og þyrla hafi brugðist við útkallinu í Grimmaischen Straße, verslunargötu í hjarta borgarinnar sem tengir markaðssvæði við ýmis kennileiti.

Burkhard Jung, borgarstjóri Leipzig, hefur staðfest bráðabirgðatölur um fjölda látinna og sagði að búið væri að tryggja öryggi fólks á nærliggjandi svæði. Misræmi er í upplýsingagjöf yfirvalda þar sem ríkismiðilinn MDR greindi síðar frá því að lögregla hafi fært tölu látinna niður í einn. 

„Þetta er átakanlegt. Það eina sem ég get gert einmitt núna er að votta fjölskyldum fórnarlambanna samúð mína,“ sagði Jung við fréttamenn á vettvangi.

„Allt annað verður að koma í ljós við rannsókn lögreglu og rannsóknaryfirvalda.“

Fréttin er í vinnslu.