Vísað úr landi eftir búðarhnupl

Maðurinn var handtekinn síðdegis á þriðjudag eftir að tilkynnt var um þjófnað úr verslun. Hann kom til landsins á þriðjudagsmorgun, að því er kemur fram í tilkynningu frá lögreglunni á höfuðborgarsvæðinu.

Þjófurinn játaði sök við yfirheyrslu á lögreglustöð. Þýfinu var komið aftur í hendur réttmætra eigenda.

Brottvísun mannsins byggði á ákvæðum útlendingalaga sem veitir heimild til frávísunar EES- eða EFTA-borgara ef það er talið nauðsynlegt vegna allsherjarreglu, almannaöryggis eða almannaheilbrigðis. Lögreglan segir að hann hafi verið sendur úr landi um leið og ákvörðunina lá fyrir.

Um 44 prósent svarenda í skoðanakönnun sem Maskína birti í morgun sögðust telja núverandi ríkisstjórn hafa staðið sig illa í útlendingamálum. Tæpur fjórðungur sagðist telja hana hafa haldið vel á málaflokknum.