Sport

Littler gerir and­litið sitt að skráðu vöru­merki

Óskar Ófeigur Jónsson skrifar
Luke Littler ætlar að passa upp á það að gervigreindin geti ekki misnotað andlit hans.
Luke Littler ætlar að passa upp á það að gervigreindin geti ekki misnotað andlit hans. Getty/John Walton

Frægir íþróttamenn þurfa líka að passa sig þegar kemur að gervigreindinni og misnotkun hennar en einn af þeim vinsælustu reynir að vera skrefinu á undan þeirri þróun að fólk noti gervigreindina til að græða pening á frægu fólki.

Pílukastarinn vinsæli Luke Littler hefur lagt inn umsókn hjá Hugverkastofunni um að vörumerkja andlit sitt.

Talið er að umsóknin muni koma í veg fyrir að falsaðar vörur, knúnar af gervigreind, noti mynd af honum án leyfis og brjóti þannig höfundarréttarlög.

Táningurinn, sem hefur unnið tvo heimsmeistaratitla í pílukasti í röð, er mjög markaðsvænlegur og andlit hans birtist á fjölbreyttum vörum, allt frá hans eigin pílubretti til tölvuleikja og hnetupoka.

Littler hefur þegar vörumerkt gælunafn sitt „the Nuke“ í Bandaríkjunum.

Pílukast

Mest lesið


Fleiri fréttir

Sjá meira


×

Mest lesið