Pakistanar gerðu loft­á­rásir á Afgan­istan í nótt

Spenna hefur verið á milli Talíbana í Afganistan og stjórnvalda í Pakistan undanfarin misseri og Talíbanar gerður í gærkvöldi árás á landamærastöð Pakistana. Í nótt sagði forsetisráðherrann Shehbaz Sharif að Pakistanar hafi fullt vald til þess að berja niður alla óvini ríkisins og varnarmálaráðherra hans lýsti einnig yfir stríði gegn Talíbönum í yfirlýsingu sem hann sendi frá sér.

Talíbanar segjast á móti vera í fullum rétti til að gera árásir á Pakistanska hermenn í sjálfsvörn. Aðeins eru nokkrir dagar liðnir frá síðustu árásum en nú var í fyrsta sinn ráðist að höfuðborginni. 

Ekki er ljóst hvort manntjón hafi orðið í árásum næturinnar. Pakistanar hafa lengi sakað Talíbana um að þjálfa hryðjuverkamenn sem fari svo til árása í Pakistan en Talíbanar segja ekkert hæft í þeim ásökunum.