Létt hjá Loga og fé­lögum en þrjú Íslendingalið í fram­lengingu

Logi og félagar stóðu vel eftir 1-0 útisigur á albanska félaginu Shkendija í fyrri leiknum. Liðið vann síðan 4-0 sigur í kvöld og þar með 5-0 samanlagt.

Logi kom ekki að marki en átti flottan leik og fékk heiðarsskiptingu á 85. mínútu.

Mörk liðsins skoruðu þeir Marius Mouandilmadji (2), Olivier Ntcham (víti) og Cherif Ndiaye.

Fiorentina er líka í Sambandsdeildinni en missti niður þriggja marka forskot á heimavelli.

Fiorentina var 3-0 yfir á móti Jagiellonia Bialystok eftir stórsigur á útivelli í fyrri leiknum en pólska liðið var 3-0 yfir í kvöld eftir venjulegan leiktíma. Albert Guðmundsson var ónotaður varamaður en hann er að koma til baka eftir meiðsli.

Hákon Arnar Haraldsson og félagar í Lille unnu 1-0 útisigur á Rauðu Stjörnunni í Evrópudeildinni en þar sem fyrir leikinn fór 1-0 fyrir Serbana varð að framlengja.

Það varð einnig að framlengja hjá Sverri Inga Ingasyni og félögum í Panathinaikos á móti Viktoria Plzen. Liðin gerðu 2-2 jafntefli í fyrri leiknum en Panathinaikos komst í 1-0 í kvöld. Tékkarnir jöfnuðu og tryggðu sér framlengingu.