Matthías Daði skoraði þrennu gegn Völsungi

Þetta var annar sigur Skagamanna í röð en þeir eru í 2. sæti riðilsins með sjö stig, jafn mörg og Þórsarar sem eru á toppnum.

Hinn nítján ára Matthías Daði Gunnarsson nýtti tækifærið í dag vel og skoraði þrennu. Hann kom til ÍA frá Víkingi Ó. fyrir þremur árum.

Gabríel Snær Gunnarsson skoraði hin tvö mörk Skagamanna sem mæta Valsmönnum í lokaleik sínum í riðli 2. Gabríel skoraði einnig tvö mörk í 1-3 sigri ÍA á Gróttu í síðustu viku.

Akil Rondel Dexter De Freitas kom Völsungi yfir á 6. mínútu en svo seig á ógæfuhliðina hjá Húsvíkingum. Þeir hafa tapað báðum leikjum sínum í riðlinum með markatölunni 1-15.