Líf bar sigur úr býtum

Fram kemur í tilkynningu að metþátttaka hafi verið í forvalinu. Alls hafi 1.093 kosið eða 42% þeirra sem voru á kjörskrá.

Í fyrsta sæti í forvalinu varð Líf Magneudóttir en hún hlaut 496 atkvæði í fyrsta sæti. Í öðru sæti varð Stefán Pálsson en hann hlaut 549 atkvæði í fyrsta til öðru sæti. Í þriðja sæti varð Finnur Ricart Andrason en hann hlaut 644 atkvæði í fyrsta til þriðja sæti. Hann hafði líkt og Líf sóst eftir efsta sætinu.

Líf og Finnur ræddu framboðið í sjónvarpsfréttum Sýnar á föstudag.

Þrjú atkvæði voru auð og eitt atkvæði ógilt. Í framhaldinu verður skipuð sameiginleg kjörnefnd Vinstri grænna í Reykjavík og Vors til vinstri sem fær það hlutverk að móta tillögu að sameiginlegum framboðslista félaganna til borgarstjórnar í vor.

Fréttin hefur verið uppfærð.