Innlent

Kjartan er kominn heim til Ís­lands

Rafn Ágúst Ragnarsson skrifar
Kjartan er mikið slasaður og á langt bataferli fram undan.
Kjartan er mikið slasaður og á langt bataferli fram undan. Aðsend

Kjartan Guðmundsson er kominn heim til Íslands rúmum átta vikum eftir að hann lenti í alvarlegu umferðarslysi í Suður-Afríku. Móðir hans og dóttir létust í slysinu. Hann flaug í sjúkraflugvél ásamt bróður sínum og ferðalagið tók hátt í sólarhring.

Agnar Jónsson, vinur Kjartans, segir ferðalagið hafa gengið vel og að líðan Kjartans sé eftir atvikum góð.

Sjúkraþota lagði af stað frá Billund á miðvikudaginn og hafði viðkomu í Hurghada í Egyptalandi og Naíróbí í Kenía á leið sinni til Jóhannesarborgar og flaug sömu leið til baka. Flugvélin lenti í Keflavík snemma í morgun.

Innan í sjúkraflugvélinni sem Kjartan flaug í heim.JETVIP

Agnar segir að Kjartan hafi verið fluttur á gjörgæsludeild borgarspítalans þar sem hann verður skoðaður og framhaldið metið.

„Hann er kominn heim til Íslands. Enginn átti von á því að hann næði því yfirhöfuð. Líkurnar voru ekki með honum,“ segir Agnar.

Suður-Afríka Samgönguslys

Mest lesið


Fleiri fréttir

Sjá meira


×

Mest lesið