Goð­sögnin les Sturlu pistilinn eftir opin­berun um fram­hjáhald

Sturla vann til bronsverðlauna í gær í skíðaskotfimi á Vetrarólympíuleikunum og allt virtist leika í lyndi. Það gerði það hins vegar ekki og viðtal við Norðmanninn eftir keppni tók óvænta stefnu. 

Þar viðurkenndi Sturla að hann hefði verið ótrúr kærustu sinni og haldið framhjá henni þremur mánuðum fyrir Vetrarólympíuleikana. 

„Það er manneskja sem mig langar að deila þessu með, sem er líklega ekki að horfa í dag. Fyrir sex mánuðum síðan hitti ég ást lífs mín. Fallegustu og góðhjörtuðustu manneskju í heimi. Fyrir þremur mánuðum síðan gerði ég stærstu mistök lífs míns og hélt framhjá henni,“ sagði Sturla í viðtalinu umtalaða í gær. 

Viðtalið og það sem kom fram þar er þess valdandi að úrslitin í skíðaskotfiminni eru ekki á flestra vörum og umrætt viðtal hefur vakið athygli víða um heim. 

Það varð fljótt að fyrstu frétt á breska miðlinum Daily Mail og fyrirsögnin í flennistórum stöfum: Medal of dishonour eða medalía vanvirðingar á íslenskri tungu. 

Í danska miðlinum TV 2 er rætt við norsku skíðagoðsögnina Ole Einar Bjørndalen sem þekkir það heldur betur að vinna til verðlauna á Ólympíuleikum. Ole Einar er allt annað en sáttur með samlanda sinn, Sturlu.

„Á ég að vera hreinskilinn?“ svaraði Ole Einar eftir að fréttamaður TV 2 hafði spurt hann hvað honum finndist um viðtalið við Sturlu og opinberun hans.

„Mér finnst þetta mjög eigingjarnt af honum. Þetta er sjokkerandi. Norðmaður vann til gullverðlauna í greininni og Sturla nældi í sína fyrstu bronsmedalíu. Það að hann hafi haldið fram hjá kærustu sinni er hans vandamál,“ sagði Ole Einar en það var Norðmaðurinn Johan-Olav Botn sem vann skíðaskotfimina. 

„Í dag eigum við að fagna árangri Botn en ekki velta okkur upp úr vandræðum í ástarlífi Sturlu.“