Innlent

Hand­tekinn með stóran hníf

Lovísa Arnardóttir skrifar
Lögreglan var við störf víða í borginni í nótt og í dag.
Lögreglan var við störf víða í borginni í nótt og í dag. Vísir

Lögreglunni á höfuðborgarsvæðinu var í dag tilkynnt um einstakling á gangi með stóran hníf. Í dagbók lögreglu kemur fram að maðurinn hafi verið handtekinn eftir að lögregla skoraði á hann að leggja hnífinn frá sér. Ekki kemur fram hvar maðurinn var handtekinn en málið er skráð hjá stöð 1 í Austurbæ, Vesturbæ, Miðbæ og Seltjarnarnesi.

Í dagbók lögreglu kemur einnig fram að einn dvelji hjá lögreglu í fangageymslu og að frá klukkan fimm í morgun og til 17 síðdegis hafi verið skráð alls 39 mál í kerfi lögreglunnar. Til dæmis hafi verið tilkynnt um rúðubrot á veitingastað í 101 og þjófnað í hverfi 108. Bæði mál eru til rannsóknar hjá lögreglunni.

Þá kemur einnig fram að lögregla hafi verið kölluð til vegna umferðaróhappa víða um höfuðborgarsvæðið.

Lögreglumál Reykjavík Umferð

Mest lesið


Fleiri fréttir

Sjá meira


×

Mest lesið