Spíg­sporandi górilla á fyndnustu dýralífsmynd ársins

Keppnin hefur orðið sífellt stærri með hverju árinu en að þessu sinni bárust um tíu þúsund myndir frá ljósmyndurum í 109 ríkjum en hvorug talan hefur verið hærri áður.

Auk þess að vinna aðalverðlaunin, vann Meth-Cohn einnig í flokki spendýra.

Meth-Cohn tók myndina í Rúanda fyrr á þessu ári. Í yfirlýsingu frá forsvarsmönnum ljósmyndakeppninnar er haft eftir honum að hann hafi varið fjórum ógleymanlegum dögum í Virunga-fjöllunum, þar sem finna má töluverðan fjölda górilla.

Í einni göngu römbuðu Meth-Cohn og samferðamenn hans á fjölskyldu górilla í rjóðri. Voru þar nokkrar ungar górillur að leik.

Áhugasamir geta séð allar myndirnar sem valdar voru til að keppa til úrslita í greininni hér að neðan.

NCWPA eru haldin árlega og er þeim ætlað að ýta undir dýravernd á heimsvísu og þetta árið vinna forsvarsmenn keppninnar með Whitley Fund for Nature samtökunum í Bretlandi. Það eru samtök sem vinna að dýravernd um heiminn allan.