Hand­tekinn á Akra­nesi grunaður um nauðgun

DV greindi frá því í gær að rúmlega tvítugur karlmaður hefði verið handtekinn á heimili sínu á Akranesi aðfaranótt þriðjudags grunaður um nauðgun. Maðurinn er sagður á skilorði vegna brots er varðar vörslu og dreifingu á barnaníðsefni.

Þá herma heimildir DV að maðurinn hafi verið til rannsóknar í öðru nauðgunarmáli sem nýverið hafi verið tekið til rannsóknar á ný í ljósi nýrra gagna.

Ásmundur Kristinn Ásmundsson, yfirlögregluþjónn hjá Lögreglunni á Vesturlandi, staðfestir að karlmaður hafi verið handtekinn í tengslum við rannsókn á kynferðisbrotamáli. Málið sé til rannsóknar.