Skipuð fram­kvæmda­stjóri Mennta­sjóðs náms­manna

Í tilkynningu á vef ráðuneytisins segir að embætti framkvæmdastjóra hafi verið auglýst laust til umsóknar þann 28. júní síðastliðinn. Alls bárust sautján umsóknir um starfið.

„Rakel Elíasdóttir er með meistaragráðu í lögfræði frá Háskóla Íslands og hefur öðlast málflutningsréttindi fyrir héraðsdómi. Rakel býr yfir fjölbreyttri reynslu sem nýtist í embættinu og starfaði nú síðast sem deildarstjóri yfir rekstri Bílastæðasjóðs hjá umhverfis- og skipulagssviði Reykjavíkurborgar. Um nokkurra ára skeið var Rakel deildarstjóri innheimtudeildar þáverandi Lánasjóðs íslenskra námsmanna. Þar á undan vann Rakel m.a. sem fulltrúi, lögmaður og lögfræðilegur ráðgjafi á lögmannsstofum, Lyfjastofnun og hjá Gjaldheimtunni,“ segir í tilkynningunni.