Vél­menni leysir af­greiðslu­fólk Sante af hólmi

Í fréttatilkynningu frá Sante segir að tæknin sé sú fyrsta sinnar tegundar á landinu. 

„Þessi nýja lausn gerir viðskiptavinum kleift að sækja pantanir sínar beint úr sjálfsafgreiðsluvél eftir að hafa verslað á netinu. Til að tryggja ábyrga sölu er innbyggt aldursstaðfestingarkerfi sem viðskiptavinir verða að nota til að sannreyna að þeir hafi náð löglegum áfengiskaupaaldri.“

Fram kemur að hin mannlausa netverslun, eins og hún er kölluð í fréttatilkynningu, sé að öllu leyti hönnuð og forrituð á Íslandi. Á eftirfarandi myndbandi má sjá hvernig nýja sjálfsafgreiðslukerfið virkar.