Bein út­sending: Nýsköpunarþing 2025 - Ís­land í stóru myndinni

Það eru Hugverkastofan, Nýsköpunarsjóðurinn Kría, Íslandsstofa og Rannís sem standa að þinginu og verða þar meðal annars Nýsköpunarverðlaun Íslands 2025 veitt. Hægt verður að fylgjast með fundinum í beinu streymi í spilanum að neðan.

„Hvað hefur Ísland fram að leggja í nýsköpun á alþjóðlegum markaði og hvernig geta óvæntar vendingar í alþjóðamálum haft áhrif á sókn íslenskra nýsköpunarfyrirtækja erlendis?

Íslensk nýsköpunarfyrirtæki mæta ýmsum hindrunum á vegferð sinni á erlendum mörkuðum. Að ná fótfestu á nýjum markaði getur reynst flóknara en áætlanir gera ráð fyrir og óvæntar vendingar í alþjóðamálum geta haft ófyrirsjáanlegar afleiðingar. Hvernig hefur þróun alþjóðamála áhrif á íslensk nýsköpunarfyrirtæki og framtíð þeirra og geta þau með einhverjum hætti varið sig eða jafnvel skapað ný tækifæri? Í þessu samhengi er nærtækt að horft til Bandaríkjanna og þeirra áhrifa sem hækkun innflutningstolla hefur á íslensk nýsköpunarfyrirtæki.

Í lok þingsins veitir Daði Már Kristófersson, fjármála- og efnahagsráðherra, Nýsköpunarverðlaun Íslands 2025,“ segir í tilkynningu frá Hugverkastofu. 

Dagskrá:

• 14:00 Setning Nýsköpunarþings. Daði Már Kristófersson, fjármála- og efnahagsráðherra.
• 14:10 Svanhildur Hólm, sendiherra Íslands í Bandaríkjunum. Allt í sóma í Oklahóma.
• 14:40 Borghildur Erlingsdóttir, forstjóri Hugverkastofunnar. Einkaleyfisumsóknir íslenskra fyrirtækja 2004 - 2024
• 14:50 Pallborð: Ísland í stóru myndinni. Þátttakendur: Tanya Zarov, aðstoðarforstjóri Alvotech; Erla Skúladóttir, stjórnarformaður Lauf Cycles (Nýsköpunarfyrirtæki ársins 2021); Sveinn Sölvason, forstjóri og framkvæmdastjóri Embla Medical; Ólafur Karl Sigurðarson, aðstoðarforstjóri Kapp.
• 15:20 Afhending Nýsköpunarverðlauna Íslands. Daði Már Kristófersson, fjármála- og efnahagsráðherra.
• Fundarstjóri og stjórnandi pallborðs: Freyr Eyjólfsson.