Ný­liðinn kom, sá og sigraði fyrsta kvöldið

Fyrsta kvöld úrvalsdeildarinnar fór fram á Hótel Selfoss á Selfossi í gær. 

Jón Bjarmi, sem er aðeins nýbyrjaður að kasta pílum, kom heldur betur eins og stormsveiður inn í deildina og stóð uppi sem sigurvegari. 

Hann vann Matthías Örn Friðriksson í fyrsta leik, landsliðsþjálfarann Kristján Sigurðsson í öðrum leik og lagði svo Vitor Charrua, sem fyrr um daginn hafði unnið Selfoss Open, í úrslitum.

„Ég sagði að ég vildi spila minn leik og það gekk eftir,“ sagði Jón Bjarmi í stuttu viðtali eftir sigurinn.

„Ég hafði engu að tapa í kvöld, það er bara svoleiðis. Pressan var á hinum.“

Öll útskot Jóns Bjarma og viðtalið við hann í heild sinni má sjá í spilaranum hér fyrir neðan.